ಮತದಾನದ ಮೇಲೆ ಹೆಚ್ಚಿನ ನಿಗಾವಹಿಸುವ ನಿಟ್ಟಿನಲ್ಲಿ ಭಾರತೀಯ ಚುನಾವಣಾ ಆಯೋಗ (Election Commission) ಹೊಸ ನಿರ್ಧಾರ ಕೈಗೊಂಡಿದೆ. ಇದರಂತೆ, ದೇಶದ ಎಲ್ಲ ಮತಗಟ್ಟೆಗಳಲ್ಲಿ (Webcasting) ವೆಬ್ಕಾಸ್ಟಿಂಗ್ (live video streaming) ಕಡ್ಡಾಯವಾಗಿದೆ.
ವೆಬ್ಕಾಸ್ಟಿಂಗ್ ಎಂದರೇನು?: ಮತದಾನದ ಗೌಪ್ಯತೆ ಕಾಪಾಡುತ್ತಾ, ಮತಗಟ್ಟೆಯೊಳಗೆ ನಡೆಯುವ ಚಟುವಟಿಕೆಗಳ ನೇರ ದೃಶ್ಯಾವಳಿಯನ್ನು ವೀಕ್ಷಿಸಲು ಇದು ಉಪಯುಕ್ತ. ಇದರ ಮೂಲಕ ಯಾವುದೇ ಅವ್ಯವಸ್ಥೆ ಅಥವಾ ಗೊಂದಲ ಉಂಟಾದರೆ, ದೃಶ್ಯ ದಾಖಲೆ ಮೂಲಕ ಪರಿಶೀಲಿಸಬಹುದು.
- ಇನ್ನುಮುಂದೆ ಎಲ್ಲ ಮತಗಟ್ಟೆಗಳಲ್ಲಿ ವೆಬ್ಕಾಸ್ಟಿಂಗ್ ಕಡ್ಡಾಯ.
- ಇಂಟರ್ನೆಟ್ ಇಲ್ಲದ ಪ್ರದೇಶಗಳಲ್ಲಿ ವಿಡಿಯೋ ರೆಕಾರ್ಡಿಂಗ್ ಮತ್ತು ಛಾಯಾಗ್ರಹಣ ಮಾಡಬಹುದು.
- ಈ ಹಿಂದಿನ ನಿಯಮದಲ್ಲಿ ಶೇ. 50ರಷ್ಟು ಮತಗಟ್ಟೆಗಳಿಗೆ ಮಾತ್ರ ವೆಬ್ಕಾಸ್ಟಿಂಗ್ ಇತ್ತು.
- ಹೊಸ ನಿಯಮವು ಬಿಹಾರ ವಿಧಾನಸಭಾ ಚುನಾವಣೆಯಿಂದ ಜಾರಿಗೆ ಬರುವ ಸಾಧ್ಯತೆ ಇದೆ.
- ರಾಜ್ಯ, ಜಿಲ್ಲೆ ಹಾಗೂ ವಿಧಾನಸಭಾ ಕ್ಷೇತ್ರ ಮಟ್ಟದಲ್ಲಿ ನಿಯಂತ್ರಣ ಕೊಠಡಿ (control room) ಇರುತ್ತದೆ.
- ಈ ವ್ಯವಸ್ಥೆ ಇಆರ್ಒ (Returning Officer) ಮೂಲಕ ಮೇಲ್ವಿಚಾರಣೆಗೆ ಸಹಾಯ ಮಾಡುತ್ತದೆ.
- ಮತದಾನದ ಸ್ಥಳದಲ್ಲಿ ಗೋಪ್ಯತೆ ಕಾಪಾಡುವ ಬಗ್ಗೆ ಕಟ್ಟುನಿಟ್ಟಾದ ನಿಯಮಗಳು ಇರುವುದರಿಂದ, ಬಲ್ಲೆಟ್ ಯೂನಿಟ್ ಅಥವಾ ವಿವಿಪ್ಯಾಟ್ ಹತ್ತಿರ ವೆಬ್ಕಾಸ್ಟ್ ಮಾಡಲಾಗದು.
- ಕೇವಲ ಅಧಿಕೃತ ಅಧಿಕಾರಿಗಳಿಗೆ ಮಾತ್ರ ಮೊಬೈಲ್ ಬಳಕೆಗೆ ಅವಕಾಶ.
ಮತದಾನ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ ಹೆಚ್ಚಿಸಲು, ಅನೇಕ ಮತಗಟ್ಟೆಗಳನ್ನು ಒಂದೇ ಸಮಯದಲ್ಲಿ ಮೇಲ್ವಿಚಾರಣೆ ಮಾಡಲು, ಹಾಗೂ ಚುನಾವಣೆ ವೇಳೆ ಪ್ರಸ್ತುತ ಅಥವಾ ಭವಿಷ್ಯದಲ್ಲಿ ಉಂಟಾಗಬಹುದಾದ ಯಾವುದೇ ವಿವಾದಗಳಿಗೆ ಸ್ಪಷ್ಟತೆ ನೀಡಲು ಈ ವ್ಯವಸ್ಥೆ ಸಹಾಯಕವಾಗುತ್ತದೆ.
ಈ ಹೊಸ ಮಾರ್ಗಸೂಚಿಗಳು ಮತದಾನದ ಪ್ರಕ್ರಿಯೆಯನ್ನು ಹೆಚ್ಚು ಭದ್ರ, ಪಾರದರ್ಶಕ ಮತ್ತು ವಿಶ್ವಾಸಾರ್ಹವಾಗಿಸಲು ಕ್ರಮಗಳನ್ನು ವಹಿಸುತ್ತವೆ.
